فضفضة ليه بنخاف نبدأ (1 المشاهدين)

[👑EL3ALAMY👑EL3ALAMY is verified member.]

فيه لحظة غريبة كده، تيجي على الواحد منّا…
يبقى واقف على أول خطوة، وشايف الطريق قدامه، ومقتنع مليون في المية إن الخطوة دي لو خدها حياته هتتغيّر، ومع ذلك… يقف.
خايف.
يتردد.
يسأل نفسه أسئلة كتير مالهاش جواب:
"هفشل؟ هطلع أقل من الناس؟ هتتسفّل؟ هتضحكوا عليا؟"

المشكلة مش في إن الطريق صعب…
المشكلة في إن قلبنا بيكون أضعف من أول مواجهة.
إحنا مش بنخاف من الفشل قد ما بنخاف من نظرة الناس…
من كلمة تتقال…
من حد يشاور علينا كده من بعيد ويقول: "شايف؟ وقع قبل ما يبدأ."

بس الحقيقة؟
مفيش حد في الدنيا دي اتغيّرت حياته وهو واقف مكانه.
الخطوة الأولى هي اللي بتفتح الباب…
حتى لو دخلت غلط…
حتى لو وقعت…
حتى لو روّحت متعصب ومكسور…
أنت كده اتحركت، جرّبت، كبرت.

الناس اللي بتنجح مش ساعات بتكون أذكى…
أحيانًا بيكونوا أكتر ناس وقعت واتكسرت…
بس فضلوا ماشيين.
فضلوا يجربوا، ويغيروا، ويفشلوا تاني…
لحد ما ر** فتح لهم باب محدش كان شايفه غيرهم.

الخوف طبيعي…
بس حياتك تستاهل إنك تخوضها، مش تتفرّج عليها من بعيد.
ابدأ…
ولو مشيت غلط، ارجع.
ولو حد ضحك… سيبه.
المهم في النهاية إنك تبقى واقف في مكان أنت اخترته… مش مكان اتفرض عليك.

انقر لمشاهدة المزيد...

 

[👑EL3ALAMY👑EL3ALAMY is verified member.]

@سكساتي متفاعل

 

[احمد الجوكراحمد الجوكر is verified member.]

روعه ابداع

 

[👑EL3ALAMY👑EL3ALAMY is verified member.]

روعه ابداع

تسلم